Djupt inne i fjorden, omkransa av snøkvite tindar ligg vakre Union Øye. Kledd i si flottaste festdrakt står det historiske hotellet som eit lysglimt i den stemningsfulle mørketida. November og desember gir rom for ro og stille stunder, eventyr i det storslegne landskapet og lange kveldar framfor peisen. På kjøkenet bakar vi julekaker, og måltida blir førebudd med ein vri på tradisjonelle, norske smakar. La julefreda senke seg i magiske omgivnadar med eit førjulsopphald her hos oss.